प्रेम हाच तर न्याय खरा ...

प्रेम हाच तर न्याय खरा ...

ज्याने तुमचे मन चोरले

त्याने तर केले उपकार थोर,

मनच तुमचे मोठे चोर...

त्याला सजा कोण देणार

ज्याने तुमचे मन मारले

त्यानेही उपकारच केले

मन उडते वा-यावर...

त्याला सजा कोण देणार

तुमच्या प्रेमाचा घोटला श्वास

कारण प्रेमच करते विश्वासघात

नको तेथे नको तेव्हा,

प्रेम करणे हे तर पाप ...

त्याला सजा कोण देणार

म्हणे भोळ्या प्रेमाशी खेळला डाव

प्रेम कधी नसते भोळे

प्रेम करणे हाच जुगार...

त्याला सजा कोण देणार

प्रेम करता कोणावर

प्रेमावर का सजेवर ?

लुटा-यावर प्रेम करा

सजेचा हट्ट सोडा,

प्रेम हाच तर न्याय खरा ...